Bogari buruz

Gure ametsa, kooperatibaren balioak, taldekideak eta enpresaren konpromisoa ezagutu nahi baduzu, eskura gaituzu.

Gure balioak

Euskal Garagardoa

Bertoko gastronomia eta ekonomia sustatzen dugu. Horregatik, Ahalik eta gertuen dauzkagun ekoizle eta hornitzaileekin lan egiten dugu.

Produktu naturala

Ez ditugu gehigarri ezta kontserbagarri artifizialik erabiltzen, kalitate handiko lehengaiak zein ekoizpen prozesua bere osotasunean zainduz.

Enpresa kooperatiboa

Taldea zazpi gazte profesionalek osatzen dute eta 100 pertsona zein eragile sozialek ekonomikoki bultzatua izan da.

Kultura berria

Zapore eta sentzazio berriez beteriko garagardoaren kultura berria garatzen dugu, Euskal Herritik garagardo artisauaren iraultzari balioa erantsiz.

Gure historia

Gazte eta inkonformistak gara, beste mundu eta garagardo kultura bat posible direla sinetsita gaude. Horregatik, abentura kolektibo honetan murgildu eta izen propioarekin itsasoratzea erabaki genuen: Boga!

Itsasoa gure kulturaren parte da eta harreman estua du euskal gastronomia eta kirolarekin. Era berean, garagardoaren sinbolo eta metafora da, bere milurteko izaeragatik, olatuen indarra, freskotasuna eta abar.

Gainera, Boga markak gure historiaren hastapenekin bat egiten du, duela 10 urte Bilboko hainbat gune sozialentzako artisau garagardoaren lehen litroak ekoizten hasi ginenean. Hain zuzen ere, garagardo-multinazionalen monopolioaren aurrean aisialdi eta produkzio alternatiba bat sortzen saiatzen ginenen toki berean, El niño de las pinturas artista famatuaren grafiti bat altzatzen zen, gure enpresa-proiektuaren espiritua oso ondo adierazten zuena: Gazteen traineru bat taldearen indarraz arraun egiten, beraien historiaren protagonistak, etorkizunari aurre egiteko eta beraien inguruan dagoen guztia aldatzeko ilusioarekin.
Gure printzipioak bezain oinarrizkoak dira osagaiak: Ura, malta, lupulua eta legamia. Alaitasunez nahastuta, gizarte zein ingurumenarekin konprometitutako euskal garagardo naturala eskainiz.

2014. urtean ontziaren eraikuntza eta martxan jartzearekin batera hasi zen bidaia, Bizkaiko kostaldetik indarrez abiatu eta gero, itsasoak zeharkatu eta mundu zabalean zehar barreiatzeko asmoz.

2019an 5 urte bete ditugu taldearen indarrarekin arraun egitenez. Hauxe da gure tripulazioa:

Gure taldea

ALBA DONADEU

ALBA DONADEU

Ekoizpen arduraduna

Zientzia eta artea nahasten. Garagardogintzan zerikusia duten eremu guztien arduraduna da: Errezetak sortu, prozesua zaindu, botilaratzea eta kalitatearen kontrola
ENEKO UNGIL

ENEKO UNGIL

Distribuzioa eta komertziala

Fabrika eta bezeroen artean. Banatzaileen eskutik gure garagardoak modu egokiann porturatzearen arduraduna da, beti ere gure bezeroekin harreman zuzena mantenduz
IÑAKI LEONARDO

IÑAKI LEONARDO

Logistika arduraduna

Balio katearen bi aldeetan. Ekoizpen prozesua eta botilatzearen inguruan gertatzen den guztia kontrolatzen du. Biltegia zein zerbitzu teknikoa kudeatu eta distribuzio sarea indartuz
URTZI UGALDE

URTZI UGALDE

Marketing eta salmentak

Enpresaren ageriko aurpegia. Gure zaporea Euskal Herria zein munduko txokoetara hedatzearen errudunetako bat. Markaren diseinua, komunikazioa eta sustapenaren arduraduna

Gure fabrika

Gure fabrika Mungiko herrian kokaturik dago, Bizkaiko kostatik oso gertu eta Bilboko metropolitik minutu gutxira. 160.000 L/urteko ekoizpen ahalmena du. 2.000 Lko egosketa gela, 4.000 Lko 4 hartzitzaile isobarikoak eta botilaratze linea automatikoa. Gaur egun 33zlko botilak, inoxeko kupelak eta Key Kegak erabiltzen ditugu. Gure #BogaFactory gertuagotik ezagutu nahi baduzu zenbait irudi dituzu eskura eta nola ez, gu bisitatzera gonbidatzen zaitugu.

Sariak

Hau da gure helburuak erdiesteko mimoz eta iraunkortasunez egindako lanaren emaitza. Enpresaren aintzatespenak aurkezten dizkizuegu jarraian:

2019

PESMES (UPV-EHU)

Mikroenpresa kategorian marketing proiektu onenaren saria

2015

URRATS BAT

Enpresa ekintzaileari 1. saria

Bizkaiko Foru Aldundiak finantzatu du proiektu hau, 2021ko2i Programaren barruan eta FEDER funtsaren kofinantziazioa ere badauka